На конкурсот за пилоти на полициски хеликоптер досега пријавени 404, од кои 48 се жени

По објавениот конкурс на МВР од 25 минатиот месец за прием на 12 извршители, со или без работно искуство, за работното место пилот на хеликоптер при хеликоптерската единица на МВР, досега се пријавија 404 кандидати, од кои 218 тоа го направија по електронски пат преку веб-страницата на МВР. Од пријавените кандидати 48 се жени.

Рокот на конкурсот (28 дена) истекува в сабота (22.02) до кога сите заинтересирани што не се пријавиле имаат можност тоа да го сторат во наредниве два дена со доставување на потребната документација во Секторите за внатрешни работи, кои токму за оваа цел и во сабота до 16.30 часот ќе бидат достапни за пријавите на заинтересираните кандидати. Или заинтересираните тоа ќе можат да го сторат и по електоронски пат, в сабота до 24 часот, преку поставениот банер „АПЛИЦИРАЈ“ на веб-страницата на МВР од каде што можат да ја преземат потребната пријава за конкурсот и електронски да аплицираат.

Инаку, како што претходно МВР ја информираше јавноста, на објавениот конкурс се бараат по шест извршители со средно (четиригодишно) образование и со високо образование. Кандидатите кои ќе ги минат строгата селекција потоа со МВР ќе склучат договор за обука за кандидат за пилот во времетрање од 19 месеци. По завршување на обуката кандидатите кои успешно ќе ја завршат обуката ќе добијат сертификат за оспособеност за звањето пилот на хеликоптер, а потоа ќе бидат распоредени на работно место – пилот на полициски хеликоптер.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.