Шокатно признание: Вработена во поштата во Катланово ги украла парите, а потоа глумела дека ја нападнал разбојник

Поштата во Катланово

63-годишната Божана Маневска вработена во поштата во Катланово двапати лажно пријавила дека вооружен напаѓач ѝ ја испразнил касата, ексклузивно дзонава „Прес 24“ од извори во истрагата.

Иако пред полицијата прво давала описи на наводниот разбојник, подоцна решила да признае дека воопшто не дошло до грабеж и дека парите самата ги извадила од касата.

Вкупната сума за која е оштетена поштата со двата „грабежа“ изнесува околу 730.000 денари, но полицијата проверува дали и колку вкупно пари вработената успеала да украде и надвор од овие две сценарија.

Божана Маневска

Инаку, вториот грабеж се случи во вторникот, кога жената тврдеше дека во поштата влегол напаѓач по што таа се онесвестила. Кога ѝ се вратила свеста, парите ги немало. Ист случај пријавила и во јануари минатата година.

Интересно е што жената во медиумите дури даваше и изјави во кои „сликовито“ го раскажуваше случајот.

– Ми рече ќе те убијам ако не ми ги дадеш парите и со рачката од ножот со сета сила ме удри по десната рака. Од чантата ги зедов клучевите од сефот на поштата, го отворив и потоа силно ме удри по тилот. Повеќе ништо не се сеќавам – изјави вознемирената жена за „Дневник“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.