Експлозија под Везув, Наполи ја декласира Рома за финале во купот (видео)

Наполи ќе игра во финалето на италијанскиот куп против Фјорентина, по големата победа против Рома од 3-0 во реваншот во полуфиналето. Во Неапол соиграчите на Горан Пандев, кој не доби шанса да настапи, ја надоместија негативата од 2-3 од првиот дуел и ќе и излезат на мегдан на Фjорентина на 3 мај во битка за трофејот. Поранешното дуо на Реал Мадрид, Калјехон и Игуаин со по еден погодок најавија финале за Наполи, а Жоргињо со уште еден погодок стави печат на уверливата победа на тимот од Неапол. Претходно Фjорентина на сличен начин со домашна победа од 2-0 ја анулира негативата од 1-2 против Удинезе и се избори за меч за титулата во италијанскиот куп. All Goals – Napoli 3-0 Roma – 12-02-2014… by Bein2014

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.