Усвоени заклучоци за надминување на кризата во Тузла

Колегиумот на Тузланскиот кантон од каде почнаа протестите кои се проширија во повеќе градови од Федерацијата НиХ, одржа денеска состанок со претставници на Здружението на невработени од тој кантон и неформалната ФБ-група Удар и притоа се донесени неколку заклучоци со цел надминување на кризата.

Според локални медиуми, на Колегиумот е заклучена заедничка определеност состојбата во тој кантон да се менува и поправа во согласност со Уставот и законите.

Поддржани се и оправдани протестите на граѓаните, а осудено насилството и од двете страни. Заклучено е проблемот да продолжи да се решава со дијалог.

Во следните 10 дена со разговори и консултации на сите заинтересирани ќе бидат предложени кандидати за мандатар и членови на Владата на Тузланскиот кантон и потоа потврдени на седница на Собранието.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.