Во Штип се легализирани 2.845 дивоградби, соопштуваат од општината. Во тек се решенија за 1.900 комплетни барања за легализирање објекти, доградби и надградби, велат од Одделението за урабнизам. Повеќе од 5.000 барања за легализација сè уште чекаат да бидат комплетирани.
– Во согласност со новите законски измени сопствениците на ваквите објекти своите барања треба да ги докомплетираат до јуни 2014 година. Затоа апелираме граѓаните да побрзаат со комплетирањето на документацијата и со донесувањето на геодетските елаборати – повикуваат од општината.
Официјално, во Штип се регистрирани повеќе од 10.000 дивоградби и дограби на објекти.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
