Атлетико Мадрид лидер, црвен картон за Роналдо (видео)

Во 22. коло од шпанската Примера дивизион, Атлетико Мадрид со победа над Реал Сосиедад од 4-0 се најде на врвот на табелата оставајќи ги зад себе неприкосновените гиганти Барселона и Реал Мадрид.
Барселона загуби во дербито од Валенсија на домашен терен, додека Реал Мадрид ремизираше на жешкиот терен во Баскија против Атлетик Билбао.
Одличните резултати на Атлетико во оваа сезона продолжуваат и по 22. коло. Тие го декласираа тимот на Сосиедад со 4-0 со головите на Вилја, Гарсија, Коста и Диего. Тимот на Диего Симеоне играше беспрекорно реализирајќи ги шансите што ги создаде. Во листата на стрелци се запиша и Бразилецот Диего, кој е повратник во екипата од пред само два дена.
Давид Вилја мораше да биде заменет во 57. минута од натпреварот поради повреда и е доведен под знак прашалник неговиот настап во Лигата на шампионите, кој Атлетико го игра против Милан.

Реал Мадрид одигра само 1-1 на гостувањето во Билбао. „Кралевите“ поведоа со голот на Хесе во 65. минута. Израмни Ибаи со прецизен удар од работ на шеснаесетикот само осум минути подоцна. Играчите на Реал имаат за што да жалат бидејќи, покрај тоа што не успеаја да победат и да ја поминат Барселона на табелата, го загубија и Роналдо за следните натпревари бидејќи доби црвен картон при еден дуел со противничките играчи. Ова е првиот црвен картон за Португалецот по четири години.

Атлетико Мадрид – Реал Сосиедад 4-0 (Вилја 38, Гарсија 41, Коста 72, Диего 87)

All Goals – Atletico Madrid 4-0 Real Sociedad… by The-Best-Games

Атлетик Билбао – Реал Мадрид 1-1 (Ибаи 73 – Хесе 65)

Athletic Bilbao 1-1 Real Madrid (All Goals) 02… by ourmatch

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.