Валенсија ја изненади Барса на „Камп Ноу“ (видео)

Валенсија успеа да ја изненади Барселона во 22 коло од шпанската „примера дивизија“ на гостувањето со 3-2.
Со овој пораз Барселона остана на само пет освоени бодови во последните четири меча.
„Каталонците“ брзо поведоа со голот на Санчез уште во седмата минута и се чинеше дека ова ќе бие уште една лесна победа.
Сепак гостите од Валенсија не се предаваа и најпрвин во 44 минута преку голот на Парехо го израмнија резултатот до паузата од полувремето.
Во вториот дел Валенсија брзо поведе преку Пиати во 48 минута. Меси израмни од пенал во 53 минута и се чинеше дека Барселона комплетно ќе го преврти резултатот и ќе дојдат до победата. Така не мислеа играчите на Валенсија и по само шест минути одново дојдоа во водство со голот на Пако кој беше доволен за огромни три бода на Валенсија освоени на теренот на противникот.
Со овој пораз Барселона останува на 54 бода колку што има и Атлетико Мадрид кој својот меч од 22 коло го игра утре против Реал Сосиедад. Реал Мадрид кој има бод помалку утре ќе се обиде да победи во Билбао и да се искачи на второто место на табелата.

Barcelona vs Valencia (2-3) All Goals & Full… by LocoGoalsHQ

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.