„Арго“ на Бен Афлек ја доби наградата БАФТА за најдобар филм годинава според Британската филмска академија. Свеченоста се одржа во неделата навечер во Лондон. Афлек ја доби наградата и за најдобар режисер.
Последниот филм во серијата за тајниот агент Џејмс Бонд, „Небесен пад“ ја доби наградата за најдобар британски филм во 2012 година, а Амаериканецот Дениел Деј Луис за улогата во „Линколн“ ја освои наградата за најдобар актер. „Небесен пад“ ја освои наградата и за најдобра музика. Емануел Рива победи во категоријата најдобра актерка и тоа за улогата во филмот „Љубов“, а наградите за споредна машка и женска улога ги освоија Кристоф Валц во „Џанго разузданиот“ и Ен Хетавеј во „Клетници“.
Квентин Тарантино доби БАФТА за оригинално сценарио за „Џанго“, а Дејвид О’Расел за „Секое зло за добро“ за адаптирано сценарио.
„Животот на Пи“, филмот во кој во еден дел, во специјалните ефекти учестуваа и македонски креативци од студиото за специјални ефекти „Фх3х“ доби две награди и тоа за најдобри специјални визуелни ефекти и за кинематорграфија.
Целата листа на добитници може да ја погледнете тука
Фото: ЕПА
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
