Попоски: Македонска традиција е секој добронамерник да биде примен и почитуван

-Македонска традиција е секој добронамерник да биде примен и почитуван. Дотолку повеќе кога е сосед во прашање. Немаме дилема дека само со отворена мисла и искрен дијалог може да се зближуваме. Тоа ни треба и за наше и за нивно добро- оцени за Република министерот за надворешни работи Никола Попоски по најавата за посета на грчкиот шеф на дипломатијата Евангелос Венизелос.

Венизелос пред Комитетот за надворешни работи на Европскиот парламент најави дека би можел во наредните денови да го посети Скопје како актуелен претседавач со ЕУ. За сега нема најава кога би се остварила посетата на грчкиот министер.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.