Перо Антиќ и Атланта имаа волшебна ноќ против шампионот Мајами. Јастребите го совладаа најдобриот тим во НБА-лигата во арената „Филипс“ со 121-114.
Нашиот најдобар кошаркар имаше одлична ноќ и постигна рекордни 17 поени во неговата прва сезона во НБА. Постигна две тројки од четири обиди, а имаше уште 5 прецизни уфрлања за два поена од шест обиди. Во својата најдобра партија оствари и шест скока и три асистенции. Антиќ повторно беше стартер за Атланта и со Милсап (26 поени) и Карол (19 поени) беа најзаслужните за победата на Атланта.
Леброн Џејмс постигна 30 поени, но не доволно за победа на шампионот.
Ова беше 21. победа на Атланта оваа сезона. Во досегашниот тек имаат и 19 порази. Мајами, пак, има скор од 29 победи и 12 порази.
Фото: ЕПА
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
