Лидерот во нападот на Металург, Наумче Мојсовски заздравува во во Даруварске Топлице, Хрватска, каде ќе остане во следните дваесетина дена.
– Во Даруварске Топлице ќе останам во следните дваесетина дена. Условите за работа овде се одлични и мојата рехабилитација тече според планираното. Со мене постојано работи физиотерапевт, под чија контрола ги изведувам потребните вежби – вели Мојсовски.
Мојсовски ги следи и натпреварите на нашата селекција на ЕП во Данска.
– Пратам сѐ што се случува во Данска и од сѐ срце навивам за македонските јунаци. Навистина ми е тешко што не сум таму и што не можам да им помогнам, но се надевам дека и со тие сили што се на располагање ќе успееме да направиме добар резултат во Данска – рече Мојсовски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
