Ракометарот на Мералург Аце Јоновски кој важи за еден од столбовите на кои се темели одбраната на македонската репрезентација, на Европското првенство во Данска има нова улога, во нападот.
– Полека се навикнувам на игра во двата правци, иако не е лесно. Кога се заморувам барам да бидам заменет, бидејќи треба да се издржи многу трчање. Знаеме дека Чешка потфрли на мечот против Австрија, но знаеме и дека нивните бекови се нивниот најсилен адут. Главна задача ќе ни биде да ги спречиме Јиха и Хорак, кои се навистина опасни, и затоа товарот на денешната средба ќе падне врз централниот дел на нашата одбраната, но ние сме подготвени за мечот и едвај чекаме тој да почне.
– Се повторува ситуацијата како на Европското првенство во Србија. Натпреварот со Чешка е исто така важен како што беше важен и нашиот дуел во Ниш. Предуслов денеска да забележиме победа е добрата одбрана, а секако и голманите ќе треба да понесат голема одговорност, изјави Јоноски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
