Три трговски синџири во Словенија ја прифатија иницијативата храната која поради строгите санитарни прописи би завршила во контејнер за отпадоци, но сѐ уште е употреблива за исхрана, да ја наменат за бездомниците и
за сиромашните семејства, јави Танјуг.
На иницијативата на „Лајонс клубот“ од Цељлје ѝ се приклучија трговските синџири „Меркатор“, „Туш“ и „Спар“, кои ќе ја даваат храната на активисти, кои потоа ќе ја делат на оние што не можат да ја купат во Целје, Марибор и Трбовлје.
Програмата „Вишоци храна“ наскоро ќе се прошири и на Копар, Љубљана, Ново Место и Крањ, пишува љубљабнскиот весник „Дело“.
Станува збор за храна на која тој ден ѝ истекува рокот на употреба – леб, печено месо, салати, овошје и зеленчук, сендвичи, млеко и млечни производи, а се доставува на местата за бездомници, сигурни куќи и други хуманитарни установи, како и на сиромашните семејства со повеќе деца.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
