Неколку илјади скопјани кои викендов останаа во градот, го искористија неделното претпладне да избегаат од загадениот градски воздух и да поуживаат во пролетните температури на врвот на Водно.
Додека Скопје беше обвиен во магла дури до средно Водно…
Само неколку метри погоре, можеше да се види сосема друга слика.
За до врвот во колони се чекаше ред кај жичницата.
А кај Милениумскиот крст вистинска пролет.
На прекрасното сонце најмногу му се радуваа најмладите.
Прекрасната глетка од Милениумскиот крст кон градот овој пат не можеше да се долови, но тоа се надокнади со чистиот воздух и ведрото време.
Единствената лоша слика можеше да се забележи покрај контејнерите каде што може да се види дека дел од посетителите не знаат да ја ценат природата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
