САД бараат Грција да врати в затвор убиец од „17 Ноември“

Вашингтон побара Атина да го врати в затвор Христодулос Ксирос, кој заедно со своите браќа, дел од екстремистичката група „17 Ноември“ е одговорен за убиство на 23 лица- дипломати полицајци и бизнисмени.

Меѓу нив се и петмина службеници на американската мисија во Атина. Ксирос дејствувал од 1975 година до 2000 година. Сега 56-годишниот бил главен убиец во „17 Ноември“, за што е осуден на шест доживотни пресуди затвор. Сега исчезнал по одобреното новогодишно отсуство, кога во понеделникот не се јавил во полициската станица на Халкидики.

Според неговиот адвокат, бегството е во согласност со неговите политички убедувања.

– Ова е цивилно бегство од затво што е во согласност со сфаќањето на Ксирос за слободата – додал адвокатот додавајќи дека немал контакт со него.

Случајот предизвика Министерството за правда да ги преиспита одредбите за отсуство од затвор.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.