Меси се врати со два гола, Барса го декласира Хетафе со 4-0 (видео)

Лионел Меси се врати на прекрасен начин по повредата и со два гола ја зачини убедливата победа на Барселона од 4-0 против Хетафе. Каталонците со едната нога се во четврт-финалето на „кралскиот куп“ во Шпанија иако има и реванш во Мадрид.

Сеск Фабрегас, кој игра во извонредна форма за Барселона сезонава, со два гола најави убедлива победа на фаворитот, а Меси го докусури Хетафе со уште два гола во самиот финиш. Аргентинецот влезе во игра на местото на Иниеста во 64. минута, а во 90. и 93. минута беше прецизен за продолжување на победничката серија на Барселона.

All Goals ~ Barcelona vs Getafe 4-0 ~ 8.1.2014 by AllGoalsHD

Меси немаше настап од 10 ноември поради повреда на тетивата, а се врати во препознатлив стил со одлични потези и голови. На „Камп ноу“ вечерва специјален гостин беше поранешниот тренер на Барселона, Тито Виланова, кој беше поздравен со бурни овации од публиката.

Во останатите вечерашни дуели од Купот на Шпаниј,а Алкоркон го изненади Еспањол со победа од 1-0, идентично и Бетис го совлада Атлетик Билбао, а Расинг Сантандер и Алемрија одиграа нерешено, 1-1.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.