Спортот во 2013 година – Ракометна бајка

Ра­ко­ме­тот е спорт број 1 кај нас во 2013 година со забележителни успеси и на клупски и на репрезентативен план. Три екипи од ист град, Скопје, во иста сезона настапуваат во Лигата на шампионите, подвиг што не го остварила ниту една друга земја, освен Македонија. Металург играше историско четвртфинале во ЛШ, машката репрезентација ја очекува настап на ЕП во Данска, што потврдува дека кај нас ракометот е супериорен.

Мно­гу оче­ку­вав­ме од ко­шар­ка­та, но на Европ­ско­то пр­венс­тво во Сло­ве­ни­ја не ус­пе­ав­ме да го по­вто­ри­ме ус­пе­хот од Ли­тва­ни­ја и да го од­бра­ни­ме из­во­нред­но­то че­твр­то ме­сто. МЗТ Скоп­је има­ше со­лид­но де­би во Ја­дран­ска­та ли­га, а ле­то­ска нѐ изра­ду­ва Пе­ро Ан­тиќ со транс­фе­рот во Ат­лан­та хо­укс, ка­ко прв ма­ке­дон­ски ко­шар­кар што е дел од НБА-ли­га­та. Најс­лаб сег­мент во 2013 го­ди­на ни беа фуд­ба­лот и ба­зич­ни­те спор­то­ви.

Скоп­је епи­цен­тар на Ли­га­та на шам­пи­о­ни­те

Ра­ко­ме­тот е уба­во ми­на­то, но и свет­ла перс­пе­кти­ва на ма­ке­дон­ски­от спорт, со ус­пе­си кои оста­ви­ја си­лен пе­чат и во Евро­па и, за на­ша сре­ќа, се ре­дат во кон­ти­ну­и­тет, што га­ран­ти­ра долг пре­стој во вр­вот и во на­ред­ни­от пер­и­од.

Во 2013 го­ди­на не­ве­ро­јат­на­та аван­ту­ра ја кру­ни­са ма­шки­от тим на Ме­та­лург со исто­ри­ско че­тврт-фи­на­ле во Ли­га­та на шам­пи­о­ни­те и дво­меч про­тив Кјел­це за за­врш­ни­от тур­нир во Келн. За жал, пол­ски­от прет­став­ник бе­ше по­до­бар во два­та ду­е­ла и за­ми­на за Гер­ма­ни­ја на за­врш­ни­от тур­нир за ти­ту­ла­та.

– Сре­ќен сум што Кјел­це се пла­си­ра­ше на за­врш­ни­от тур­нир иа­ко Ме­та­лург бе­ше опа­сен про­тив­ник. Ма­ке­дон­ски­от со­став игра по­дед­на­кво до­бро и до­ма и на го­сти, што е од­ли­ка на го­ле­ми­те ти­мо­ви – из­ја­ви Сла­во­мир Жмал, пол­ски­от ре­пре­зен­та­ти­вец на го­лот на Кјел­це.

За сре­ќа, ус­пе­хот на ти­мот од Авто­ко­ман­да во фи­ни­шот од се­зо­на­та 2012/13 бе­ше ини­ци­јал­на ка­пис­ла и инс­пи­ра­ци­ја за но­ви под­ви­зи на ма­ке­дон­ски­от ра­ко­мет до кра­јот на го­ди­на­ва. Па­тот на Мин­чо Јор­да­нов, кој вло­жу­ва огром­ни средс­тва во Ме­та­лург, од­лу­чи да го сле­ди ру­ски­от биз­нис­мен Сер­геј Сам­со­нен­ко. Тој ги пре­зе­де две­те еки­пи на Вар­дар, и во ма­шка и во жен­ска кон­ку­рен­ци­ја, а во Скоп­је поч­наа да при­стиг­ну­ва­ат свет­ски ѕвез­ди. Ан­дреа Ле­киќ, Ти­мур Ди­би­ров, Јо­ван­ка Ра­ди­че­виќ, Алекс Ду­ше­ба­ев, Аман­дин Леј­но, Алем То­скиќ и уште мно­гу поз­на­ти ра­ко­ме­та­ри и ра­ко­ме­тар­ки ста­наа дел од „цр­ве­но-цр­но­то“ се­мејс­тво на Вар­дар. Ме­та­лург про­дол­жи да го над­гра­ду­ва соѕ­вез­ди­е­то со На­ум­че Мој­сов­ски, Фи­лип Мир­ку­лов­ски, Дар­ко Ста­ниќ, Ре­на­то Ву­гри­нец, Де­јан Ма­на­сков….. што го соз­да­ва ве­ќе не­кол­ку се­зо­ни, а во ти­мот при­стиг­на бом­бар­де­рот Па­вел Ат­ман. До­во­лен ква­ли­тет кај три­о­то ма­ке­дон­ски прет­став­ни­ци за врв­ни прет­ста­ви во Ли­га­та на шам­пи­о­ни­те. Вар­дар и Ме­та­лург во гру­па со нај­тро­феј­ни­от ра­ко­ме­тен со­став на пла­не­та­та Бар­се­ло­на, со но­ви­от европ­ски ти­гар Па­ри Сен Жер­мен, со нез­год­ни­от Ди­на­мо Минск и со Тун. Кон­ку­рен­ци­ја за по­чит, но и шан­са за до­ка­жу­ва­ње и за про­мо­ци­ја во Евро­па. Скоп­је и Ма­ке­до­ни­ја во вто­ри­от дел од го­ди­на­та се­кој ви­кенд сле­деа вр­вен клуп­ски ра­ко­мет. Чу­да­та про­дол­жи­ја, па во не­ви­ден ам­би­ент Вар­дар ја со­пре не­скрот­ли­ва­та и моќ­на Бар­са и стиг­на до ре­ми 29-29, а по­тоа Ме­та­лург са­мо ја за­чи­ни ма­ке­дон­ска­та бај­ка со по­бе­да про­тив Па­ри Сен Жер­мен од 28-26. И Вар­дар со ре­ми 24-24 го со­пре нај­ска­пи­от про­ект во исто­ри­ја­та на Ли­га­та на шам­пи­о­ни­те, ти­мот на ПСЖ, со бу­џет од око­лу 13,5 ми­ли­о­ни евра. Го­ле­ми­те ра­ко­мет­ни идо­ли од ка­ли­ба­рот на Хан­сен, Ка­ра­ба­тиќ, Аба­ло, Ру­тен­ка, на­ши­от Ки­ре Ла­за­ров, го­сту­ваа во Скоп­је и не ус­пе­а­ја да за­бе­ле­жат три­умф про­тив две­те еки­пи од Ма­ке­до­ни­ја. И чел­ни­ци­те на ЕХФ го пре­поз­наа ма­ке­дон­ско­то ра­ко­мет­но чу­до, па дер­би­то ме­ѓу Вар­дар и Ме­та­лург од 6. ко­ло во гру­па­та Ц бе­ше прог­ла­се­но за дер­би на це­ла­та рун­да во ЛШ.

Ко­га и вар­дар­ки го ур­наа Лар­вик на го­сти, ста­на јас­но де­ка Ма­ке­до­ни­ја има со што да се по­фа­ли во Евро­па, а ам­би­ци­и­те по­рас­наа. Из­бра­нич­ки­те на Ин­ди­ра Ка­стра­то­виќ екс­прес­но се про­мо­ви­раа во еден од глав­ни­те кан­ди­да­ти за шам­пи­он­ска­та ти­ту­ла во ЛШ.

Ка­ко шлаг на тор­та­та стиг­на и плас­ма­нот на ма­ке­дон­ска­та ма­шка ре­пре­зен­та­ци­ја на Европ­ско­то пр­венс­тво во Дан­ска.

Со тоа ра­ко­ме­тот оста­ну­ва во фо­ку­сот и во 2014 го­ди­на, а оди­се­ја­та поч­ну­ва со тур­ни­рот во Дан­ска. Ма­ке­до­ни­ја е во гру­па­та со до­ма­ќи­нот, со Че­шка и со Ав­стри­ја, а по­треб­на е ед­на по­бе­да за плас­ман во след­ни­от круг. Воз­бу­ду­ва­ња­та во Ли­га­та на шам­пи­о­ни­те, ка­де што и Ме­та­лург и Вар­дар тре­ба да ста­ват пе­чат на па­тот во топ 16 фа­за­та, про­дол­жу­ва­ат во фе­вру­а­ри.

Фуд­ба­лот ни тап­ка в ме­сто, ре­пре­зен­та­ци­ја­та пос­лед­на, клу­бо­ви­те ги не­ма на европ­ска­та ма­па

Фуд­ба­лот ни тап­ка в ме­сто, а ло­ши­те клуп­ски епи­зо­ди во Евро­па овој­пат беа за­чи­не­ти со пос­лед­но ме­сто и на ре­пре­зен­та­ци­ја­та на Ма­ке­до­ни­ја во ква­ли­фи­ка­ци­ска­та гру­па за на­стап на СП во Бра­зил.

Со иск­лу­чок на Хо­ри­зонт Тур­но­во, единс­тве­ни­от тим од Ма­ке­до­ни­ја што ми­на ба­рем ед­но ква­ли­фи­ка­ци­ско ко­ло, ефе­ктот на оста­на­ти­те бе­ше пре­скро­мен. Ви­це­шам­пи­о­нот ја ели­ми­ни­ра ли­тван­ска Су­ду­ва, а по­тоа ис­пад­на во дво­ме­чот со Хај­дук. Вар­дар има­ше пре­го­ле­ми ам­би­ции, а пре­мал ар­се­нал за да ѝ се спро­тив­ста­ви на Сте­а­уа во фил­тер-фа­за­та за плас­ман во ЛШ. По два­та ме­ча вкуп­ни­от ре­зул­тат бе­ше 5-1 во ко­рист на 24-крат­ни­от ро­ман­ски шам­пи­он. Те­текс ка­ко осво­ју­вач на ма­ке­дон­ски­от куп го за­гу­би дво­ме­чот со Пју­ник во Ли­га­та на Евро­па, а иста­та суд­би­на ја до­жи­веа Ме­та­лург во вто­ри­от ме­ѓу­се­бен ду­ел со Ка­ра­бах од Азер­беј­џан.

Мно­гу по­ра­зи, слаб ефект, ка­ко ре­а­лен одраз на до­маш­ни­те слу­чу­ва­ња во нај­важ­на­та спо­ред­на ра­бо­та на све­тот. Кај нас е са­мо спо­ред­на ра­бо­та, во Пр­ва ли­га без ред, без сил­ни клу­бо­ви, со скром­на ин­фра­стру­кту­ра и, што е нај­ло­шо, без ин­те­рес од пуб­ли­ка­та.

Та­кви­те од­но­си сил­но се одра­зи­ја и врз ре­пре­зен­та­ци­ја­та. До­бро стар­ту­вав­ме во ква­ли­фи­ка­ци­и­те за СП во Бра­зил, но за­вр­шив­ме ло­шо, на пос­лед­но­то ме­сто во гру­па­та А. Стар­тот во 2012 го­ди­на нѐ на­пра­ви оп­ти­ми­сти, осо­бе­но на­ста­пи­те во За­греб со Хр­ват­ска и во Глаз­гов со Шкот­ска. Игра­та бе­ше мно­гу по­до­бра од бо­дов­но­то сал­до (еден бод), а 2013 го­ди­на ја поч­нав­ме со мар­тов­ски­те по­ра­зи од Бел­ги­ја, и до­ма (0-2) и на го­сти (0-1). Проб­ле­ми­те поч­наа пред ду­е­лот со Ср­би­ја ко­га се­ле­кто­рот Че­до­мир Ја­нев­ски поради недисциплина ги от­стра­ни Го­ран По­пов и Сте­ви­ца Ри­стиќ од ре­пре­зен­та­ци­ја­та. По­бе­да­та про­тив Велс од 2-1 нѐ осо­ко­ли, но аван­ту­ра­та за­вр­ши нес­лав­но со три по­ра­зи. Шкот­ска нѐ на­ди­гра и по­бе­ди на аре­на­та „Фи­лип Вто­ри“ со 2-1, а ту­ка бро­дот поч­на се­ри­оз­но да то­не. Се­ле­кто­рот Ја­нев­ски шо­кант­но ја на­пу­шти ре­пре­зен­та­ци­ја­та и пот­пи­ша до­го­вор со пос­лед­ноп­ла­си­ра­на­та еки­па во Бел­ги­ја, Монс. Ат­мо­сфе­ра­та бе­ше на­ру­ше­на, па по­ра­зот од Велс во Кар­диф (0-1) не бе­ше из­не­на­ду­ва­ње. Нѐ до­ку­су­ри Ср­би­ја во Ја­го­ди­на, ка­де што до­жи­ве­ав­ме те­жок де­бакл од 1-5. По­ло­шо од по­ра­зот на зе­ле­ни­от те­рен беа очиг­лед­ни­те ка­вги на дел од ма­ке­дон­ски­те ре­пре­зен­та­тив­ци на те­ре­нот за вре­ме на ме­чот, а и во соб­ле­ку­вал­на­та. Поч­наа рас­пра­ви­и­те, што ефе­кту­и­раа со пов­ле­ку­ва­ње на Го­ран Пан­дев од ре­пре­зен­та­ци­ја­та. Единс­тве­но до­бро во нес­лав­ни­те ква­ли­фи­ка­ции бе­ше про­мо­ци­ја­та на ек­стра-та­лен­ти­ра­ни­от Да­вид Ба­бун­ски, играч на Б- со­ста­вот на Бар­се­ло­на. Тој би тре­ба­ло да би­де дел од но­ви­те те­ме­ли на А-се­лек­ци­ја­та на Ма­ке­до­ни­ја, за след­ни­те ква­ли­фи­ка­ци­ски цик­лу­си.

Ра­ко­водс­тво­то на ФФМ не­о­дам­на го про­мо­ви­ра­ше Бо­шко Ѓу­ров­ски ка­ко нов се­ле­ктор, а на 23 фе­вру­а­ри во Ни­ца нѐ оче­ку­ва изв­ле­ку­ва­ње на ква­ли­фи­ка­ци­ски­те гру­пи за ЕП 2016 во Фран­ци­ја. Ѓу­ров­ски нај­а­ви де­ка ќе се оби­де да ги вра­ти Пан­дев и По­пов во ре­пре­зен­та­ци­ја­та за но­ви­от цик­лус.

Пе­ро Ан­тиќ прв Ма­ке­до­нец во НБА

Го­ле­ми беа оче­ку­ва­ња­та и од ма­ке­дон­ски­те ко­шар­ка­ри, но во Сло­ве­ни­ја ле­то­ска на ЕП не ус­пе­ав­ме да ја ре­при­зи­ра­ме исто­ри­ска­та оди­се­ја од Ли­тва­ни­ја ко­га играв­ме за брон­зен ме­дал про­тив Ру­си­ја, а на кра­јот за­вр­шив­ме ка­ко че­твр­топ­ла­си­ра­ни. Со исти­от со­став, но без по­треб­на­та све­жи­на, Ан­тиќ, Ме­кеј­леб, Или­ев­ски, Ге­чев­ски и оста­на­ти­те хе­рои од Ли­тва­ни­ја не­маа си­ли за нов под­виг. Не ја ми­нав­ме пр­ва­та фа­за, а скром­ни­те игри ре­зул­ти­раа со пов­ле­ку­ва­ње на се­ле­кто­рот Алеш Пи­пан и со нај­а­ви на ве­те­ра­ни­те за пов­ле­ку­ва­ње од ре­пре­зен­та­ци­ја­та. Мож­но е во ид­ни­от пер­и­од да оста­не­ме без Или­ев­ски, Ме­кеј­леб, Ан­тиќ, а си­гур­но по­ве­ќе за Ма­ке­до­ни­ја не­ма да игра Ге­чев­ски. По за­вр­шу­ва­ње­то на ЕП, ка­ко бом­ба одек­на транс­фе­рот на Пе­ро Ан­тиќ во НБА. Не­о­че­ку­ва­но, но мош­не сла­тко ос­тва­ру­ва­ње на двој­ни­от европ­ски пр­вак со Олим­пи­ја­кос. И, се­ка­ко, ап­со­лут­но зас­лу­же­но за Ан­тиќ, кој пот­пи­ша две­го­ди­шен до­го­вор со Хо­укс, за вкуп­на су­ма од 2,45 ми­ли­о­на до­ла­ри. Ко­неч­но, и Ма­ке­до­ни­ја има свој ко­шар­кар во нај­сил­на­та ко­шар­кар­ска ли­га на пла­не­та­та. Ан­тиќ во друш­тво со кре­мот, во ду­е­ли со Ле­брон Џејмс, Ко­би Бра­јант, Тим Дан­кан, Двајт Ха­у­ард и уште де­се­ти­ци ко­шар­кар­ски ме­гаѕ­вез­ди од нај­ви­сок ков.

На клуп­ски план МЗТ Скоп­је ја освои вто­ра­та ти­ту­ла во до­маш­но­то пр­венс­тво, а прет­ход­но ка­ко де­би­тант во Ја­дран­ска­та ли­га за­бе­ле­жи со­ли­ден плас­ман на сед­ма­та по­зи­ци­ја со 14 по­бе­ди и 12 по­ра­зи. И во вто­ри­от цик­лус во АБА-ли­га­та што „ме­тал­ци­те“ го поч­наа во 2013 го­ди­на, плас­ма­нот на иста­та по­зи­ци­ја по 13 ко­ла не е лош, но мо­мент­но би­лан­сот е не­га­ти­вен со 6 по­бе­ди и 7 по­ра­зи.

Ти­мот од скоп­ска­та на­сел­ба Ае­ро­дром има­ше мож­ност да се прет­ста­ви и во Евро­па отка­ко при­стиг­на вајлд-кар­та­та за на­стап во Евро­ку­пот. Де­би­то бе­ше пре­скром­но, а ам­би­ци­и­те мно­гу по­го­ле­ми од мож­но­сти­те, што ре­зул­ти­ра­ше со пос­лед­но­то ме­сто во гру­па­та Г со лош ефект од са­мо ед­на по­бе­да и 9 по­ра­зи.

До­бри игри во 2013 го­ди­на при­ка­жаа и Ку­ма­но­во, еки­па што игра­ше на за­врш­ни­от тур­нир во Бал­кан­ска­та ли­га (БИБЛ), и Ко­жув со плас­ман во пр­во­то до­маш­но фи­на­ле во клуп­ска­та исто­ри­ја. МЗТ Скоп­је бе­ше по­до­бар ри­вал во за­врш­на­та се­ри­ја за ти­ту­ла­та, но ге­вге­ли­ча­ни при­ка­жаа со­лид­ни игри и до­бро му се спро­тив­ста­ви­ја на фа­во­ри­тот. Нај­тро­феј­ни­от ма­ке­дон­ски клуб, Ра­бот­нич­ки, го ма­чат фи­нан­си­ски проб­ле­ми и из­ми­на­та­та го­ди­на бе­ше ед­на од по­скром­ни­те во бо­га­та­та исто­ри­ја на 14-крат­ни­от ма­ке­дон­ски шам­пи­он.

Во 2014 го­ди­на во фо­ку­сот ќе би­де ждреп­ка­та во фе­вру­а­ри за рас­по­ре­дот на гру­пи­те за ЕП 2015 во Укра­и­на. Ма­ке­до­ни­ја по­са­ку­ва хет-трик во на­ста­пи­те на кон­ти­нен­тал­ни­те шам­пи­о­на­ти, по учес­тво­то во Ли­тва­ни­ја во 2011 го­ди­на и во Сло­ве­ни­ја ле­то­ска.

Пишува: Зоран Поповски
Фото: Ѓорѓи Личовски
(Текст објавен во 69. број на неделникот Република, 27.12.2013)
Tweets by @onlinerepublika

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.