Специјализираниот ракометен портал „Хендбол магазин“, во кој членуваат голем број стручни лица и новинари од Европа, ги одбра најдобрите ракометари за 2013 година.
Во изборот се најдоа капитенот на македонската репрезентација Кире Лазаров и левото крило на Вардар, рускиот интернационалец Тимур Дибиров.
Дибиров е избран во првата најдобра постава за 2013 година. Заедно со Дибиров во составот се најдоа најголемите ракометни имиња од светот, голманот Арпад Штербик (Барселона), Хулен Агинагалде (Кјелце), Валентин Гонеа (Висла Плок), Филип Јиха (Кил), Ласло Наги (Веспрем) и Домагој Дувњак (Хамбург).
Во вторите идеални седуммина играчи на позицијата десен бек се најде нашиот најдобар ракометар Кире Лазаров. Во составот заедно со Кире се и Матијас Андерсон (Фленсбург), Уве Геншајмер (Некар Ловен), Ханс Линдберг (Хамбург), Седрик Сораиндо (Барселона), Микел Хансен (ПСЖ) и Никола Карабатиќ (Барселона).
„Хендбол магазин“ го состави и најдобриот тим за 2013 година. Во него се најдоа играчите од двата тима.
Голмани: Арпад Штербик (Барселона), Матијас Андерсон (Фленсбург).
Бекови: Филип Јиха (Кил), Микел Хансен (ПСЖ), Домагој Дувњак (Хамбург), Никола Карабатиќ (Барселона), Ласло Наги (Веспрем), Кирил Лазаров (Барселона)
Пикери: Хулен Агинагалде (Кјелце), Седрик Сораиндо (Барселона)
Крила: Тимур Дибиров (Вардар), Уве Геншајмер (Некар Ловен), Валентин Гонеа (Висла Плок), Ханс Линдберг (Хамбург).
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
