Британската супер ѕвезда Адел заработува 65 600 долари (41 000 фунти) на ден, благодарение на успехот на музичките листи, покажуваат новите податоци.
Пејачката, чии два албуми “19” и “21” беа на топ листите во целиот свет, поседува 16,4 милиони долари (10,3 милиони фунти) на банкарската сметка и 7,3 милиони долари (4,6 милиони фунти) од други хонорари, открива британскиот таблоид „Сан”.
Податоците, објавени од компанијата на Адел „Мелтид Стоун”, се однесуваат за периодот до април 2012 година и покажуваат дека таа значително го зголемила своето богатство во однос на претходната година, кога имаше само 545 600 долари (341 000 фунти).
Состојбата на 24-годишната пејачка веројатно ќе се зголеми уште повеќе благодарение на хитови нејзината песна од последниот филм за Џејмс Бонд „007 координати: Скајфлаи”, за која доби Златен глобус минатиот месец.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
