Боцевски: Петтата колона на Милошевиќ во Македонија ги користи методите на неговата опозиција

Политикологот Ивица Боцевски во интервју за неделникот „Република“ вели дека „Не постои ниту еден период од владеењето на СДСМ, кој е подобро оценет од периодот на Грувски во демократските или во економските процеси“.

-Тоа биле години на сурово живеење, сиромашно живеење, економска пропаст и години на нарушување на демоктатијата или продолжение на едноумието. И не може тоа да биде алтернатива на актуелната власт. Може некој што може да понуди посилен економски развој и повеќе демократија.

-Гледаме сакаат да направат копија на борбата во Србија во 1996 година или 1999 година против Слободан Милошевиќ и за мене тоа е… Немам соодветен збор. Апсурд, како во филм на Буњуел… Луѓето што му се одушевуваа и кои беа петта колона на Милошевиќ во Македонија сега ги користат методите на неговата опозиција.

-И сега знаете, актуелнава влада, која овозможила визна либерализација и навлегување на интернет, ако ја споредиме со опозицијата во чиешто време се плаќаше по 35 германски марки за излез од земјата и толку за враќање, а една телефонска линија чинеше 1.000 германски марки, опозиција, за која отворањето кон светот значеше само за еден непосреден семеен тесен круг, а сите други требаше да бидат еден вид на закрепостени селани, не е алтернатива. Алтернатива е некој што може да даде многу повеќе. Ова сега не е алтернатива. Ова е враќање кон минатото.

Целото интервју со Ивица Боцевски прочитајте го во новиот број на неделникот „Република“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.