Местото каде што асот во Формула 1, Михаел Шумахер, падна и се повреди е надвор од предвидените патеки за скијање во познатиот центар Мерибел во Франција.
Популарниот Шуми беше пренесен во болницата во Гренобл, а се наоѓа во кома и ситуацијата е критична за животот на 44-годишниот Германец. Докторите објавија дека е направен оперативен зафат на мозокот за да се спречи крвавењето и истакнаа дека следните два се клучни за Шумахер – дали ќе успее да се избори во најтешката битка, што ја бие за сопствениот живот. Падот бил тежок, а 7-кратниот шампион во Ф1 удрил со главата во камен или карпа, по што кацигата се скршила на два дела.
Михаел е долгогодишен страствен скијач, а во Мерибел има своја куќа.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
