Стотина несовесни возачи ќе добијат „новогодишни честитки“ од МВР

Стотина „новогодишни честитки“ испрати МВР до несовесни возачи кои направиле сообраќајни прекршоци.

Меѓу фатените на дело од безбедносните камери, биле и возила на неколку државни институции. За кои не се открива.

Повеќе од половина од прекршителите, односно 63ца се од Скопје останатите се снимени во Куманово, Кавадарци, Велес и Струга. Граѓаните најчесто непрописно запирале и се паркирале и тоа во близина на пешачки премин, на тротоар, на пешачки патеки, на автобуски станици на коловозни ленти и на тој начин правеле застој во сообраќајот.

Проектот безбеден град со 100тина безбедносни камери на клучни локации низ Скопје стартуваше пред година и половина. За сторен сообраќаен прекршок документиран на снимките од безбедносните камери, повеќе од 1.400 граѓани вкупно до сега досега добиле жолт картон од полицијата. Дали и кога ќе почнат да пишуваат и казни за сега од МВР нема најава. Оттаму досега неколку пати повторија дека целта на видео надзорот не е да се казнува туку да се влијае превентивно на безбедноста на сообраќајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.