Јувентус и Рома ги торпедираа противниците (видео)

Јувентус и Рома рутински ги победија притивниците во 17 коло од италијанската „сериа А“ лига. Двата тима постигнаа по четири гола на Аталанта односно Катанија.
„Старата дама“ брзо поведе со голот на Тевез во шестата минута. Сепак Аталанта не се предаде и брзо ги израмни резултатот преку Моралез во 15 минута по една грешка на Погба. До крајот на првиот дел двата тима не ги искористија своите шанси и на полувремето отидоа со резултат 1-1. Тимот од Торино во вториот дел покажа зошто е најдобар тим во Италија. Само што почнаа од центарот Погба се извади за грешката во првиот дел и успеа да го доведе својот тим во водство од 2-1. До крајот на натпреверот Јувентус рутински постигна уште два гола преку Љоренте и Видал.

Рома без проблеми ја победи Катанија со 4-0. Два гола постигна Бенатиа,а во листата на стрелци се запишаа и Дестро и Жервињо. Рома заостанува пет бода на табелата зад лидерот Јувентус и првиот натпревар во 2014 година го играат токму против Јувентус во Торино.
Дербито во ова коло се игра во Милано каде силите ќе ги одмерат градските ривали Интер и Милан. Натпреверот се игра во 20.45 часот.

Аталанта-Јувентус 1-4 (Моралез 15-Тевез 6, Погба 46, Љоренте 75, Видал 79)

Atalanta vs Juventus (1-4) All Goals… by videosondailymotion

Рома-Каталија 4-0 (Бенатиа 18, Дестро55, Бенатиа 59, Жервињо 80)

AS Roma vs Catania (4-0) All Goals & Highlights… by videosondailymotion

Резултати 17 коло:

Болоња – Џенова 1-0, Рома – Катанија 4-0, Аталанта – Јувентус 1-4, Сампдорија – Парма 1-1, Сасуоло – Фиорентина 0-1, Торино – Киево 4-1, Верона – Лацио 4-1, Ливорно – Удинезе 1-2, Калјари – Наполи 1-1.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.