Суарез е насанкан, на автограм за навивач, потпиша 5-годишен договор со Ливерпул

Луис Суарез го продолжи договорот со Ливерпул до 2018 година, но само на лист хартија, што ја има навивач на „црвените“ од Енфилд Роуд. Уругваецот навистина е во преговори со сегашниот клуб за продолжување на актуелниот договор што му истекува за две сезони, а понудени му се неверојатни 200 илјади фунти неделна плата.

Снаодлив навивач на Ливерпул изнуди потпис на парче хартија од Суарез, барајќи му автограм, а подметнувајќи му на истиот лист неколку зборови што Луис не ги забележал. Автограмот минал без проблем, а над него пишува: „Се согласувам во следните 5 години да останам во Ливерпул“.

Одлична финта, што лесно мина кај напаѓачот на Ливерпул.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.