Швеѓанката Синди со нова песна на македонски (ВИДЕО)

Атрактивната Швеѓанка Синди Левачиќ веќе еднаш соработваше со Роберт Билбилов за песната „Студено“ (Look at me). Младата пејачка за нејзината втора песна „Месечар“ повторно му верува на македонскиот композитор. Песната е во прогресив хаус ритам, а текстот го напиша Ксенија Николова.

– Пресреќна сум што мојата нова песна ја пеам на македонски јазик. Веќе неколку месеци сум тука и навистина се чувстувам како да сум дома. Сакам да внесувам позитивна енергија во срцата на слушателите, па затоа со Роберт направивме песна која едноставно го крева расположението – вели Синди.

Дваесетгодишната Швеѓанка, која за себе има изјавено дека сака да урива традиционални кодекси, е музички образована и своето школување планира да го продолжи на некоја од светските музички академии.

Во моментов Синди работи на идејно решение за видеоспот за „Месечар“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.