Супер орлите од Нигерија летнаа до финалето

Супер орлите од Нигерија летнаа до финалето на 29. Куп на Нации во Африка по убедливата победа над Мали од 4-1.

Првото полуфинале беше решено уште по првото полувреме, кога Нигеријците поведоа до 3-0. Елдерсон, Идеје Браун и Еменике стрелаа прецизно и ја наполнија мрежата на Мали, а голеадата продолжи во вториот дел. Муса зголеми на 4-0 за првиот финалист на купот, а поразениот тим успеаја само да намали на 4-1 преку Кеита.

За половина час Гана и Буркина Фасо ќе играат меѓусебе за пласман во големото финале. Гана е второрангирана селекција во историјата на купот со 4 титули, а Буркина Фасо за првпат игра ваков меч.

Нигерија која го очекува победникот од вечерашниот дуел, има два трофеи од 1980 и 1994 година. Рекордер е Египет со 7 круни.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.