Космички танц на Земјата и Месечината (видео)

Заедничкото движење на Месечината и Земјата низ вселената е прикажано во филм изработен од американската вселенска агенција НАСА. Ова е „дело“ на роботската сонда Џуно, која моментално се наоѓа на пат кон Јупитер. Интересно видео од движењето на Земјата околу своите оски, во моментот кога Месечината поминува над неа, движејќи се кон десно.

Скот Болтон, задолжен за програмата Џуно, за Би-Би-Си изјави дека гледајќи го ова, набљудувачот не може а да не се замисли за местото на нашата планета во космосот.

-Луѓето може да ги видат Земјата и Месечината во движење, додека го изведуваат својот космички танц. Мислам дека тоа ги става работите во перспектива- вели тој.

Ова не е прво видео на Земјата и Месечината во движење, но е прво направено од оддалеченост од 1.000.000 километри, што е три пати оддалеченост меѓу Земјата и Месечината.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.