ВМРО-ДПМНЕ: Наша обврска е да го величиме делото на свети Климент Охридски

И ВМРО–ДПМНЕ упати честитка по повод државниот и христијански празник Свети Климент Охридски.

-Денес е денот кога нашиот народ со огромна чест и задоволство го празнува делото на Светиот Климент Охридски. Светиот Климент не заостана зад своите учители, светите за нам Кирил и Методиј и го продолжи нивното духовно и хумано дело описменувајќи го народот. Делото на Светиот Климент Охридски е европски цивилизациски симбол. Неговото дело не е само наше духовно и културно богатство, туку е дел од темелите на европската цивилизација и култура. Денес се одбележува климентовата рамно апостолска дејност и можност да се афирмираат заедничките христијански и цивилизациски вредности на човекољубие, вербата во Бог и надеж во подобар и попросперитен свет, бидејќи тој е човекот кој е  основачот на Охридската архиепископија како и основоположник на Охридската книжевна школа  и творец на кирилското писмо. Универзалната големина на делото на Светиот Климент Охридски е долг кон него, но и аманет кон идните генерации да се почитува нашата традиција и духовно наследство, со кое сме го задолжиле светот. Наспроти нашата гордост и чест, исто така и наша обврска е да го сочуваме и величиме неговото дело, бидејќи тоа го направиле нашите предци, тоа ќе го направиме и ние, тоа ќе го прават и идните генерации. Нека е честит и вековит празникот!

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.