Манифестацијата „Ден на идеи“ која веќе неколку години се организира во Владата на Република Македонија, каде што граѓаните во директна комуникација со министрите ги кажуваат своите идеи, а потоа истите поединечно и детално се разгледуваат од стручни тимови и оваа година беше масовно посетена.
Владиниот портпарол Александар Ѓорѓиев соопшти дека сите предлози и идеи дадени од страна на граѓаните ќе бидат систематизирани, а понатаму ќе бидат процесуирани до соодветните министерства.
-Голем број од дадените идеи се преточуваат во конкретни проекти и понатаму се реализираат, изјави Ѓорѓиев.
Ѓорѓиев соопшти дека за овој ден се пријавени помеѓу 250 и 270 граѓани.
-И оваа година најголем интерес кај граѓаните е да поразговараат и разменат мислења со претседателот на владата, потоа со потпретседателите од економскиот систем, а интересно е што оваа година голем број граѓани се заинтересирани да разговараат за иноваторството и претприемништвото, рече владиниот портпарол.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
