Општината Охрид се подготвува за спектакуларна прослава за Новата година. Како што пренесува Канал 5, целта е градот да биде преполн со туристи се до Водици.
Градоначалникот Никола Бакрачески побарал и бизнис секторот да се вклучи во организацијата на новогодишните празници.
– Да напрaвиме еден збир на активности во текот на новогодишните празници и празникот Богојавление со кои што ќе ја обогатиме понудата на гостите и туристите, кои имаат намера да присуствуваат во Охрид и на некој начин да допринесеме за проширување на туристичката понуда во Охрид – изјавил Бакрачески.
Засега, градоначалникот не открива ниту што се подготува, ниту кои музички ѕвезди ќе ги забавуваат посетителите.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
