Розга и Ѓеоргиев ќе доаѓаат за џабе

Шестото издание на Македонскиот радиски фестивал МАРС 2013 годинава ќе се одржи на 26 ноември во Универзална сала – Скопје. Фестивалот и годанава е финансиски поддржан од Град Скопје.

Изборот на најпопуларните годинешни радиохитови, како и досега, беше добиен по пат на селекција од четириесетина локални, регионални и национални радиостаници низ Македонија. Петнаесетте највртени песни во македонскиот радиоетер се најдоа на финалната листа, а од нив на финалната вечер ќе настапат само оние изведувачи чии песни ќе понесат една од наградите распределени во следниве категории:

Радиски поп-хит
Радиски рок хит
Радиски ар-ен-би или рап-хит,
Радиски хит испеан од женски вокал
Радиски хит испеан од машки вокал
Радиски хит од група
Радиска балада

За нив гласаа 12 одбрани локални, регионални и национални радиостаници кои годинава го сочинуваат фестивалското жири.

Наградите:

Ѕвезда што се раѓа
Трајни вредности
Преработка на стар хит и
Партнерство за хит, ги доделува Советот на македонскиот радиски фестивал МАРС.

Нивните добитници, исто така, настапуваат на финалната вечер на МАРС 2013, како и специјалните гости: Владо Георгиев и Јелена Розга, чии нови хитови биле едни од највртените во македонскиот радиоетер во 2013 година. Тие за своето учество и настапите пред македонската публика не побараа никаков надоместок, туку веднаш ја прифатија понудата за гостување во Скопје.

За апсолутен радиски хит ќе биде прогласена песната која се најде на најголем број листи со највртени македонски хитови испратени од вкупниот број (околу 40) радостаници од цела Македонија. Нејзиниот изведувач добива плус парична награда од 60.000 денари и бесплатно користење на Универзална сала во 2014 година, исклучиво за свој солистички концерт.

За категоријата најдобар текст на песна од 15-те финални песни како и секоја година гласаат новинарите од печатените медиуми и интернет-портали кои ја третираат естрадата, и македонската забавна музика. Авторот на текстот на песната добива парична награда од 10.000 денари, а песната ќе биде изведена на МАРС 2013.

За Радиски хит во 2013 год. според Изборот на фановите ( публиката) ќе биде проглсена една од 15 финалнопласирани песни за која фановите на Фан Странаицата на МАРС 2013 на Фејсбук ќе кликнат најмногу лајкови почнувајќи од денес во наредните седум дена. Песната ќе биде изведена на МАРС 2013, а нејзиниот изведувач добива парична награда од 30.000 денари и бесплатно користење на Универзална сала во 2014 година исклучиво за свој солистички концерт.

МАРС 2013 ќе биде директно пренесуван на првиот канал на националниот РТВ сервис – МРТВ, а водители ќе бидат Марија Петровска од Бекстејџ и Марко Марк од Стисни Плеј.

На финалната вечер ќе настапат следните изведувачи кои ѓе понесат дел од наградите:

1. ТАМАРА – Само сакам да
2. ДИМИТАР АНДОНОВСКИ – Месечина
3. ДАРКО ИЛИЕВСКИ – Не е фер
4. НОКАУТ – Запомни, тоа е се што имаме
5. РОБЕРТ БИЛБИЛОВ & ДОН – Ти се промени
6. СЛАТКАРИСТИКА – Добро да е
7. EYE CUE & МАРИЈА – Боби, баш ми е гајле
8. TYZEE – Регетон
9. БЕНИ & НОН СТОП – Љубов
10. ЕСМА & ЛОЗАНО – Пред да се раздени

+ Специјалните гости:

ЛЕВА ПАТИКА
ВЛАДО ГЕОРГИЕВ
ЈЕЛЕНА РОЗГА (екс-МАГАЗИН)

Во трка за преостанатите две награди: Избор на публиката и Најдобар текст на песна, покрај посочените десет песни и нивните изведувачи , се уште и:

ВЛАТКО ИЛИЕВСКИ – Само за неа
АНДРИЈАНА ЈАНЕВСКА – Животот е убав
NEXT TIME – Светот во раце
ДНК – Што сака нека биде
АРЕА – Запознај ме

Нивните освојувачи исто така ќе настапат на финалната вечер на МАРС 2013, на 26 ноември 2013 година во 20.30 часот во Универзалната сала Скопје.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.