Менаџментот на „Виталиа“, компанија за здрава храна, вчеравечер, во присуство на своите соработници, бизнисмени, љубители на здравиот живот и приврзаници на брендот, го прослави својот 20. роденден.
Во пријатен амбиент во ресторанот „Ден и ноќ“, со повеќе од 150 гости и со присуство на целиот тим, компанијата „Виталиа“, која е лидер на пазарот за здрава храна, ја прослави својата јубилејна годишнина. На прославата беа промовирани сите проекти на компанијата, новите производни линии, успеси, саемски претставувања, општествено одговорни кампањи, како и награди и признанија.
– Да се работи 20 години со визија за лидерство во производството на здрава храна и исполнување на таа визија е голем успех. 20 години ги препознаваме потребите на потрошувачите и успешно ги реалзираме во финален производ, создавајќи здрава храна за секого и за сечиј дом. Во овие 20 години бевме присутни на сите саемски случувања, ги следевме новитетите во прехранбената технологија и ги применивме кај нас. И сето тоа со цел да понудиме квалитетен здрав и вкусен производ со додадена вредност за нашите конзументи. Во овие 20 години ја негувавме хуманоста, помагаме, донираме, едуцираме, впрочем тоа ги исполнува нашите срца и дополнително нѐ мотивира да продожиме со нашата благородна мисија – со здрав храна да создаваме здрави генерации – додава Искра Ветаџокоска-Муцунска.
Додека траеше прославата на компанијата во истовреме, Град Скопје ги доделуваше признанијата за 2012 година, за престижната награда „13 Ноември“, а компанијата „Виталиа“ се закити со една од нив. Наградата беше доделена за проектот „5-ка за здрава храна – проект за едукација на младата популација за здрава храна и практикување здрав животен стил за здрави идни генерации“. Со оваа награда „Виталиа“ се потврди како општествено одговорна компанија со јасна стратегија за унапредување и вложување во заедницата.
Корпоративната прослава е само дел од роденденската кампања на компанијата на „Виталиа“, која до крајот на месцот ќе организира уште неколку изненадувања за своите потрошувачи.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
