Му се заблагодаруваме на Делио Роси за вложениот труд и за професионалноста која ја демонстрираше додека ја извршуваше тренерската функција и му посакуваме многу среќа во иднина, соопштуваат од Сампдорија.
Екипата привремено ќе ја води Франческо Педоне, тренер на младинскиот тим на Сампдорија, сѐ до назначувањето на наследникот на Роси.
Како главни кандидати за тренерската функција на „сино-белите“ од Џенова италијанските медиуми шпекулираат со имињата на српскиот селектор Синиша Михајловиќ и Чехот Зденек Земан.
Под водство на Роси, Сампдорија по 13 рунди во Серија А се наоѓа во опасната зона на испаѓање, на 18. место со 9 освоени бода.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
