Очигледно е дека СДСМ со последното соопштение сака да манипулира со јавноста. Не сакаме да веруваме дека станува збор за непознавање на нормативата и практиката на владеењето на правото во нашата земја, туку за злоупотреба на случајот Кежаровски за дневно-политички поени.
„Во Република Македонија постои јасна постапка за помилување и таа се почитува. А, доколку навистина СДСМ, како сериозна политичка партија недоволно ги познава и разбира правните регулативи во нашата земја, тогаш ги упатуваме на консултација со нивниот поранешен лидер, воедно поранешен претседател на РМ, да им објасни, како функционирале работите во вакви случаеви порано и зошто се направени измените на Законот за помилување“, се вели во реакцијата од кабинетот на претседателот Иванов.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
