„Биковите“ од Салцбург најефикасни и со најдобар просек на голови во Европа

Фудбалерите на Ред Бул Салцбург се најефикасниот тим во Европа сметајќи ги головите постигнати во домашните првенства, а патем имаат и најдобар просек на погодоци по натпревар.

Играчите на австрискиот шампион постигнаа 45 погодоци на 14 натпревари, 22 од нив е дело на тандемот Соријано и Алан. Во просек тоа е екстраефикасно, со 3,21 погодоци на натпревар.

Салцбург е сопственик на уште еден рекорд, австрискиот по број на натпревари без пораз. Низата трае од лани, а веќе ја достигна бројката од 33 натпревари на кои Салцбург освоил барем еден бод или победил. До 19 октомври годинава Рапид беше рекордер, со серија од 30 меча без пораз во 1987 година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.