Грнчаров исклучен во дербито на Бугарија, Ботев сепак го победи Литекс (видео)

Бобан Грнчаров не го дочека крајот на фудбалското дерби во бугарскиот шампионат и беше исклучен во 68 минута, а неговиот тим Ботев сепак славеше со 2-1 против лидерот Литекс. Бугарскиот медиуми известуваат дека македонскиот репрезентативец незаслужено добил црвен картон, односно втор жолт, а сепак најважно за Грнчаров е што неговото исклучување не влијаеше на конечниот исход. Дербито се играше пред празни трибини, а Ботев стаса до трите бода со головите на Вјеира и на Сармов во првото полувреме. Литекс намали во 83. минута со голот на Славчев, а и гостите од Ловеч останаа со десетмина по исклучувањето на Миланов. Литекс остана на врвот со 34 бода, а Ботев со меч повеќе го дели четвртото место со Локомотив Пловдив, каде помошен тренер е нашиот Жикица Тасевски. Двете екипи имаат по 28 бода.

ФОТО: sportal.bg

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.