Ајверсон рече збогум

Иако од јануари 2011 година не играше професионално, Ален Ајверсон во средата официјално се опрости од кошарката. Еден од најдобрите кошаркари во историјата без освоена НБА-титула, на конференцијата во Филаделфија го соотшти неговото пензионирање.

– Официјално објавувам дека се повлекувам од кошарката. Горд сум што можам да кажам дека сум среќен по оваа одлука и дека се чувствувам одлично. Морам да му се заблагодарам на Бога на шансата која ми ја даде, не само поради тоа што го постигнав во НБА, туку поради тоа што бев драфтуван, секогаш велев дека тоа е најдобриот момент во мојата кариера. Секогаш верував во себе, мајка ми ми велеше дека можам да бидам она што сакам. Јас верував во тоа, се борев за место и се изборив – рече Ајверсон.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.