Агуеро го расплака Марадона

Некогаш го прогласуваше за најдобар фудбалер, а сега не знае за кого се работи. Зошто Кун Агуеро го расплака Марадона?

Агуеро беше под заштита на Марадона бидејќи се забавуваше, а потоа и се ожени Џанина, една од ќерките на славниот Аргентинец. Во тие моменти Марадона изјави дека Агуеро е неговиот наследник и беше незаменлив во аргентинската репрезентација додека тој беше селектор.

Нивните односи се расипаа кога играчот на Манчестер Сити се разведе од неговата сопруга по четири години поминати во брак, а сега се борат за старателство на нивниот син Бенџамин. Марадона на неговиот 53. роденден јавно го навредуваше Агуеро.

– Во прашање е слабак на кого му го заборавив името. Џанина долго патеше, сега е време на судот, а следниот пат ќе отидам и јас со неа да видам дали таа кукавица ќе смее да каже што било. Често плачам бидејќи патат мојата ќерка и мојот внук. Го видов Бенџамин преку Скапјк, ми посака среќен роденден и се расплакав – вели Марадона.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.