Рутинска прошетка на Барселона во Виго (видео)

Барселона продолжува со импресивните настапи без пораз во шпанското првенство, а синоќа Меси и соиграчите се прошетаа во Виго и рутински ја победија Селта со 3-0. Иако играа без Нејмар, Чави и во поголем дел од мечот и без Иниеста, Каталонците лесно ја решија задачата и ја прокнижија десеттата победа во 11 натпревари во Примера Дивизија.

Сеск Фабрегас со два гола беше најзабележителен играч на мечот, а учествуваше во акцијата и при првиот гол, што го постигна Алексис Санчес во осмата минута. На стартот од вториот дел за кус период до 54 минута Фабрегас на двапати ја затресе мрежата на Селта, тим кој од клупата го предводи поранешниот играч на Барса Луис Енрике.

Celta Vigo 0-3 Barcelona All Goals by all-goals

Пред овој дуел, во премиерата на 11. коло во Шпанија, Еспањол и Малага одиграа нерешено без голови.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.