“На трети ноември Аки од Камењане, Македонија, ќе седне во неговата ложа во Виенската опера, ќе седи во средината каде што само царот заслужува да седи, ќе биде осветлен со рефлектор и за него ќе пеат голем број оперски ѕвезди, на за него почесниот ден”, пишува во октомвриското издание на месечниот магазин “Виена лајв”, пренесува Вест. На насловната страница на списанието е светската оперска дива Ана Нетрепко со наслов “Ана го сака Аки”.
Главната тема во “Виена лајв” е приказната за успехот на страсниот вљубеник во операта, угостителот од тетовското село Камењане, кој на трети ноември, со славење на оперската уметност, ќе одбележи 30 години работа на неговиот виенски ресторан “Соле”. Аки Нуредини ја откупи Виенската опера и приредува хуманитарен концерт, на кој бесплатно ќе настапат голем број оперски ѕвезди, а собраните средства ќе бидат наменети за запуштените деца во Мексико.
Приказната за Аки е објавена на седум страници, во магазинот кој, на софистициран начин, зборува за високиот стил на живот во Виена, за културата, уметноста, модата, за гастрономијата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
