„Сонот на Цепенков“ според собирачот на македонски народни умотворби Марко Цепенков вечерва премиерно ќе биде изведна на сцената на прилепскиот театар „Војдан Чернодрински“. Режисер на претставата е Кирил Петрски. „Сонот на Цепенков“ е прва премиера годинава на овој театар и првпат ќе биде поставена кореодрама.
Според режисерот Петрески, ова е доказ дека Цепенков може да се раскаже поинаку.
– Ова е поинаков театар, со многу кореографија и движења. Затоа претставата трае и неполн час. Искуството при работата на претставата е незаменливо – рече режисерот Петрески.
Кореографијата е на Кире Миладиноски од студиото „Зодијак“, а музиката на „Чалгија саунд систем“. Во претставата играаат Марија Спиркоска Илијоска, Игор Трпче, Даниела Иваноска, Зоран Иваноски, Никола Настоски, Јасмина Мицовска-Станкоска, Александар Тодески, Димитар Црцороски, Катерина Чакмакоска.
Прилепскиот театар годинава планира пет премиери, од кои три се со финансиска поддршка на Министерството за култура.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
