Претседателот на СДСМ, Зоран Заев, најави дека ќе го замрзнат учеството во работната група за спроведување на препораките од Извештајот за 24 декември, доколку продолжат апсењата за случајот „Претседавач“.
– СДСМ нема да молчи по новото притворање, а тоа е демонстрација на сила и само сеење страв кон граѓаните. Тврдат дека аферата е отворена пред три години, но името на предметот е „Претседавач“, а знаеме дека господинот Шипковиќ е претседавач само пет месеци на Советот на Општина Центар, со што се покажува каква е намерата на власта – рече Заев.
За в недела свикале седница на сите органи на партијата на која ќе донесат одлуки за нивното понатамошно дејствување.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
