Дачиќ: Никој не може да ја понижува Србија- ако за ЕУ забраната е нормална, преговори нема!

Премиерот на Србија Ивица Дачиќ се закани дека ќе ги прекине преговорите со Приштина ако Европската унија ја оцени како нормална одлуката на Приштина за забрана за негово влегување на Косово.

– Некои претставници на земји од ЕУ ми испратија порака дека не можам јас да ја уценувам Европската унија. Луѓе, освестете се! Нас ни забранија влез на Косово, решете прво за тоа, а потоа лесно е со моите уцени. Нема никакви уцени. Водете дијалог со оној кој може да оди на Косово, изјави Дачиќ по прес конференцијата.

Дачиќ забележал дека највисоките европски официјални лица се огласиле по повод некои забрани кои неодамна беа донесени во Србија, но по овој повод се уште ги немало.
– Ако ова за Европската унија е нормално, немам повеќе интерес да учествувам во тоа, рече Дачиќ.

Српскиот премиер истакнал дека Србија е за мир и дијалог, но дека никој не може да ја понижува.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.