Пратениците во Иран усвоија контроверзен закон, кој овозможува татковците да се женат со своите посвоени ќерки, кои не смееат да бидат помлади од 12 години. Тие тврдат дека законот е во интерес на децата, додека борците за заштита на човековите права тврдат дека се работи за легализација на педофилија.
Советот на чуварите на исламската револуција, кој го сочинуваат свештеници и правници, сè уште се нема изјаснето за овој закон. Според сегашниот закон во Иран, на девојчињата постари од 13 години им е дозволено да се мажат, но само со одобрување на таткото, додека момчињата можат да се женат кога ќе навршат 15 години. Во посебни случаи и девојчињата помлади од 13 години можат да се мажат, но со одобрување на судот, а со него венчавањето со посвени деца беше забрането.
– Ова е легализација на педофилијата. Венчавањето со посвоените деца не е дел на иранската култура. Во Иран постои инцест како и во сите држави во светот, но овој закон претставува криминал – изјави Шади Садр, адвокат од организацијата „Правда за Иран“, чиешто седиште е во Лондон.
Иранскиот итнернет-сајт „Табнак“ пренесува дека во 2010 година дури 42.000 деца на возраст меѓу 10 и 14 години се венчале во Иран.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
