Јелена Јанковиќ ѝ подари „метла“ на противничката Карла Суарез Наваро и ќе игра во четврт-финалето на престижниот турнир на ВТА во Пекинг. Во тенисот победа без загубен гем, или 6-0, 6-0, е „метење“ на противникот, а овојпат тоа го стори Србинката во дуелот со шпанската тенисерка. Мечот траеше 59 минути.
Подвигот на популарната Џеј-Џеј е уште позначаен ако се има предвид дека сервисот не ѝ функционираше најдобро. Првиот сервис беше успешен само во 46 отсто од ударите, но противничката беше индиспонирана и лесно го загуби мечот. Од вкупно 79 поени, Наваро освои само 26.
За пласман во полуфиналето Јанковиќ ќе игра со Луси Сафарова од Чешка.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
