Лидерот на СДСМ, Зоран Заев, нема намера да му се изини на директорот на УБК, Сашо Мијалков.
-Ниту размислувам,ниту имам намера да му се извинам на Сашо Мијалков.Јас и СДСМ имаме основано сомнеие за прашањата што ги поставуваме – вели Заев за Нова.
Полномошникот на Мијалков адвокатот Антонио Апостолски му испрати писмо на лидерот на СДСМ, со кое бара извинување за изјавата дадена во интервјуто за Интернет порталот Нова, како и на прес – конференциите, која содржи клевети и навреди
Заев на ова вели:
-Реакцијата на Сашо Мијалков говори за степенот на дрскост и ароганција на оваа власт. Наместо тој и неговиот прв братучед Никола Груевски да одговорат на прашањата адресирани до нив,Мијалков се заканува со тужба и бара од мене и опозицијата да се откажеме од основната улога што ја имаме во општеството. Да ги разобличиме злоупотребите и криминалите на власта и да ги презентираме во јавноста. Сашо Мијалков ќе тужи.За него поставени прашања се клевета и навреда.Семоќниот клан Груевски не е навикнат да одговара на ненарачани прашања.Најлесно им е да ги искористат поданиците во судството да пресудат во нивна полза. Искрено верувам дека судиите конечно ќе смогнат храброст и ќе се спротивстават да објавуваат однапред напишани пресуди.Наместо образот на сомнителни лица,да се обидат да го исчистат образот на еден од столбовите на демократијата-судската власт, вели Заев.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
