Еден пенал подарок за Реал Мадрид, чини два меча пауза за судијата

Еден пенал подарок за Реал Мадрид, ќе го чини два меча пауза судијата Фернандес. Така одлучи дисциплинската комисија на шпанската фудбалска федерација. Тоа е слаба утеха за Елче, тим што загуби од непостоечки пенал со 1-2 од Реал Мадрид и тоа во 94 минута.

По обостраното влечење во шеснаесетникот на Елче, меѓу Санчес и Пепе, судијата Фернандес досуди пенал за Реал, а Кристијано Роналдо не го испушти подарокот и погоди од белата точка за триумф на „кралскиот клуб“. Коментарите подоцна беа дека пеналот беше вистински подарок за гостите од Мадрид, а тоа чини само два меча суспензија за Фернандес.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.