На само ден пред одржување на Изборот за мис на светот, македонската претставничка Кристина Спасеноска сe уште нема што да облече за изборот што се одржува во Индонезија, пишува Вест.
Македонската убавица веќе две недели е на подготовки во оваа земја, а свечениот фустан го немаше уште од самото тргнување од Македонија. Ако не стаса до задутре, мисицата вели дека на изборот ќе се појави во тоа што и е на располагање.
– Кога тргнав од Скопје, организаторката Лидија Велковска ми даде неколку фустани, понесов и јас мои, но ниеден од тие не е доволно добар за да се појавам на сцената в сабота вечер. Секој ден го чекам, но го нема. Пред да тргнам само ми зедоа мерки и ми рекоа дека ќе го направат и ќе го пуштат по брза пошта. И толку. Фустанот сè уште не е стасан, и не знам дали воопшто ќе стаса. Лидија Велковска уште пред две недели ми рече дека е пратен, ама го нема. Јас дојдов да ја претставувам Македонија, и ќе се појавам онака како што ме подготвиле. Штета ако за финалето на главното претставување не се појавам во вечерна тоалета – изјави Кристина.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
