Видео: „Црвените ѓаволи“ згазени од „Граѓаните“

Серхио Агуеро во 16.минута ги доведе Сити во водство со одличен удар, а Јаја Туре пред истекот на првиот дел зголеми на 2-0.

Канонадата продолжи на самиот почеток од второто полувреме, кога за пет минути Серхио Агуеро и Самир Насри зголемија на убедливи и недостижни 4-0. Јунајтед беше во шок.

Вејн Руни ја спаси честа на својот клуб и само малку го ублажи поразот, постигнувајќи гол од слободен удар во 87.минута од средбата.

Тотенхем во судиското продолжение успеа да даде гол преку Паулињо и да го совлада Кристал Палас на гости со 0-1, па со 12 бодови му се придружи на врвот на табелата во Премиер – лигата на Арсенал, кој е на првата позиција на табелата, по денешниот триумф над Стоук (3-1).

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.