Припадникот на ЕУЛЕКС бил убиен од професионален убиец?

Првите оперативни информации поврзани за убиството на припадникот на ЕУЛЕКС, Литванецот Аудријус Шенавичиус (35) укажуваат дека станува збор за професионален убиец. Непосредно по убиството во откривањето на сторителот, биле користени и кучиња, а трагите воделе кон српските села, но никој не ја исклучува можноста убиецот да е од албанска националност.

Припадниот на ЕУЛЕКС е застрелан од огнено оружје во главата и стомакот, а подлегнал на повредите во болницаво Косовска Митровица. Во нападот беа повредени уште тројца службеници.

Сомнежите дека станува збор за професионалец ги поткрепуваат наводите дека е пукано на возило со припадници на мисијата, а не на возило кое се движело напред во кое биле припадниц на косовската полиција. За причините за нападот има неколку неофицијални верзии. Една е дека ова е обид за дестабилизација на северниот дел на Косово пред изборите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.